Ички ишлар органлари ходимлари, хусусан, йўл ҳаракати хавфсизлигини таъминлашга масъул шахслар уларнинг фаолияти фуқаролар томонидан видеога олинишига, умуман олганда, қарши эмас. Бироқ бу видеоларнинг ижтимоий тармоқларга чиқариб юборилиши, сўнг ички ишлар органлари ходимларининг шаъни ерга урилишини оқламайди.
Бу ҳақда Ахборот ва оммавий коммуникациялар агентлигида 31 октябрь куни бўлиб ўтган ИИВ Йўл ҳаракати хавфсизлиги бош бошқармаси (ЙҲХББ) мутасаддиларининг ОАВ вакиллари ва блогерлар билан бўлиб ўтган очиқ мулоқотида маълум қилинди, дея хабар бермоқда «Дарё» мухбири Мусулмонбек Иброҳимов.
Тадбирда чиқиш қилган ЙҲХББ Йўл-патрул хизмати фаолиятини ташкил этиш ва маъмурий амалиёт бўлими бош инспектори Илҳом Идиров ЙПХ ходими акс этган баҳсли видеоларнинг нотўғри талқинларга сабаб бўладиган кўринишда ижтимоий тармоқларга чиқариб юборилишини «ўзбекчиликка тўғри келмайди» деб атади.
Йўл-патрул хизмати инспекторининг фуқаро билан мулоқотини тартибга солиш учун боди-камералардан фойдаланиш тартиб-қоидалари ишлаб чиқилди. Мана шу ҳужжатда фуқаролар томонидан ЙПХ инспекторини видеотасвирга олиш тақиқланмагани, жамоатчилик назоратини ўрнатиш ҳақида ҳам бандлар бор.Ички ишлар вазири матбуот котиби Шуҳрат Ғиёсов эса ЙПХ ходимларини видеога олаётганларнинг аксариятини «публикага ўйнаш», кўпроқ лайк йиғишда айблади.Лекин, кўряпсизлар, бу — ўзимизнинг мустақил Ўзбекистонимиз, ЙПХ инспектори ҳам осмондан тушмаган, шу халқ вакили. Тўғри, гуруч курмакциз бўлмайди. Тасвирга олишга рухсат этилган бўлса-да, ЙПХ инспекторини видеога олиб, кенг оммага — дунёга ошкор қилиб юбориш ўзбекичиликка тўғри келмайди, деб ҳисоблайман.
Илҳом Идиров, ИИВ ЙҲХББ Йўл-патрул хизмати фаолиятини ташкил этиш ва маъмурий амалиёт бўлими бош инспектори
Ҳаммамиз кўриб турибмиз, фуқаролар ЙПХ инспекторининг шахсиятига ўтиб кетмоқда. Бу билан улар ходимларнинг фаолиятига халал бермоқда. Аниқки, ўша вақтда ходим «нима учун ишимга халал беряпсан!» деб реакция билдиради.ЙҲХББ ҳузуридаги Жамоатчилик кенгаши котиби Мансурхон Рихсиев эса йўл назоратчиларининг шаъни, қадр-қимматини ерга уришга ҳеч кимнинг ҳақи йўқлигини эслатиб ўтди.Бир четда туриб тасвирга олса — бошқа гап. Бу баҳсли ҳолат. Европада ҳам бу ҳолатда тасвир ўрганиб чиқилади. Агар фуқаро ходимнинг ишига тўсқинлик қилиб, шахсиятига теккан бўлса, жавобгарликка тортилади.
Бизда эса «публикага ўйнаб», кўпроқ лайк йиғиш учун тасвирга олишмоқда. Бу хатти-ҳаракатлар ЙПХ инспектори ишига ҳалал беради.
Шоҳрух Ғиёсов, ички ишлар вазирининг матбуот котиби
ЙПХ инспектори ҳам инсон, унинг шаъни, қадр-қимматини ерга уришга ҳеч кимнинг ҳақи йўқ. Фуқаро фақат ўзининг ҳақлигини исботлаш учун тасвирга олиши керак. Юқори турувчи органларга мурожаат қилиб, лавҳасини далил сифатида кўрсаца, қонунан устун бўлиши мумкин.Аввалроқ Ахборот ва оммавий коммуникациялар агентлиги ахборот маконида шахс ва жамият манфаатларини ҳимоя қилиш, интернет ОАВ вакиллари ва блогерлар веб-саҳифаларига қонунга зид шарҳлар ёзилганда уларни аниқлаш ва зудлик билан ўчириб юборишни тизимли равишда ташкил қилиш бўйича тегишли норматив-ҳуқуқий ҳужжат лойиҳасини ишлаб чиққани ҳақида хабар берилган эди.Тасвирлар ижтимоий тармоқларга жойлангач, ҳақоратлар, калака-мазахлар, ходимга қаршилик кўрсатиш ҳолатлари кузатилмоқда. Мана шу ҳолатларга озгина чек қўйиш керак. Шу мақсадда ходимларга қаршилик кўрсатган фуқароларга кўрилаётган чоралар ҳақида ОАВда материаллар бериб турибмиз.
Ким бўлишидан қатъий назар, ўз шаънини ҳимоя қилиш керак. Унинг ҳам оиласи бор, ота-онаси, қариндош-уруғи бор. Эртага уни интернетга чиқариб, шарманда қилгандан кейин, у ким деган одам бўлади?! Унинг фарзандлик, оталик обрўси қаёққа кетади? Фақат қоралайвермай, бу томонларини ҳам ўйлаш лозим.
Яхши ишлаётга ходимлар ҳам бор. Биттасига қараб, бутун тизимга баҳо бериш нотўғри. Шунинг учун ҳукуматнинг 975-қарорида белгиландики, тасвирга олишга рухсат берилади, инспектор ҳам боди-камера орқали тасвирга олиши мумкин. Фақат видеодан ижтимоий тармоқларда ходимнинг шаънини, обрўсини тўкадиган даражада фойдаланишга рухсат этилмаслиги қайд этилган.
Тўғри-да, тасвирга олишдан мақсад нима — ўзининг ҳақлигини исботлаш бўлса, видеони кўпчиликка кўрсатиб, инспекторни ҳақоратлашнинг нима кераги бор?
Мансурхон Рихсиев, ИИВ ЙҲХББ ҳузуридаги Жамоатчилик кенгаши котиби
Унга кўра, веб-сайт ёки мессенжер саҳифалари эгаларига, шу жумладан блогерга, жумладан, миллий, ирқий, этник ёки диний адоват қўзғатувчи, фуқароларнинг шаъни ва қадр-қимматига ёки ишчанлик обрўсига путур етказувчи ва бошқа ҳуқуқий оқибатлар келтириб чиқарувчи шарҳларни ўчириб ташлаш учун 24 соат вақт берилади.
Изоҳ (0)