Футбол бўйича Испания чемпионатининг 11-тури доирасида 29 октябрь, сешанба куни 2 та баҳс якунланди.
Диего Симеоне бошчилигидаги Мадриднинг «Атлетико» жамоаси сафарда «Алавес» билан беллашди.
Ўйиннинг 70-дақиқасида «матрасчилар» ҳужумчиси Альваро Мората ҳисобни очган бўлса, 83-дақиқага келиб мезбон жамоа аъзоси Лукас Перес ҳисобни тенглаштирди.
Шу тариқа беллашув 1:1 ҳисобида якунланди ва томонлар бир очкодан бўлишиб олди.
Маълумот учун, «Аткетико» 20 очко жамғарган ҳолда мусобақа жадвалида 3-ўринда бормоқда. «Алавес» эса 12 очко билан 13-ўринни эгаллаб турибди.
Шу куни Эрнесто Вальверде қўл остидаги Каталониянинг «Барселона» клуби «Камп Ноу»да «Вальядолид»ни синовдан ўтказди.
Учрашув давомида «кўк-анорранглилар»нинг голларига Клеман Лангле (2), Артуро Видаль (29), Лионель Месси (34, 75) ҳамда Луис Суарес (77) муаллифлик қилган бўлса, меҳмонлардан Кико Оливас (15) ҳам ўз ҳисобига битта голни расмийлаштириб қўйди.
Натижада Каталония клуби ўз уйида «Вальядолид»ни йирик 5:1 ҳисобида мағлуб этди ва 3 очкони қўлга киритди.
Ушбу ғалабадан сўнг «Барселона»нинг очколари сони 22 тага етди ва жамоа мусобақа жадвалида еткачилик қилмоқда. «Вальядолид» эса 14 очко тўплаб 9-поғонани банд қилиб турибди.
Ла Лига
11-тур баҳслари
29 октябрь, сешанба
«Алавес»—«Атлетико Мадрид» 1:1
Голлар: 0:1 — 70 Мората, 1:1 — 83 Лукас Перес«Барселона»—«Вальядолид» 5:1
Голлар: 1:0 — 2 Лангле, 1:1 — 15 Оливас, 2:1 — 29 Видаль, 3:1 — 34 Месси, 4:1 — 75 Месси, 5:1 — 77 СуаресЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)