Тошкент вилояти ички ишлар бош бошқармаси ижтимоий тармоқлар ва Telegram мессенжерида тарқалган Тошкент вилояти Чирчиқ шаҳри ҳудудида вояга етмаган болаларнинг жасадлари ички органлари бўлмаган ҳолатда топилди мазмунидаги изоҳ билан тарқалган аудио хабарларга расмий муносабат билдирди.
Тошкент вилояти ИИББ расмий баёнотида ушбу хабарлар ҳақиқатдан йироқ эканлиги, шунингдек, пойтахт ва Тошкент вилояти ҳудудида вояга етмаган болаларни ўғирлаб кетаётган жиноятчининг пайдо бўлгани ҳақидаги хабарлар ҳеч қандай асосга эга эмаслиги қайд этилган.
Ҳозирда Тошкент шаҳри ва Тошкент вилояти ИИББ томонидан фуқаролар орасида бу каби асоссиз маълумотларни тарқатиб, ваҳима уйғотаётган кимсаларнинг шахсларини аниқлаш бўйича зарурий чоралар кўрилмоқда.Шунингдек, хабар сўнгида Тошкент вилояти ИИББ фуқароларни бу каби норасмий хабар ёки маълумотлар тарқалганда бошқарманинг матбуот хизмати билан боғланиш лозимлигини сўраган.Тошкент вилояти ИИББ
Аввал Тошкент шаҳар ички ишлар бош бошқармасининг матбуот хизмати ҳам Тошкент шаҳри ва Тошкент вилоятида вояга етмаганларга қизиқиш билдирувчи жиноятчи пайдо бўлганлиги ҳақидаги хабарларда ҳам асос йўқлигини маълум қилган.
Изоҳ (0)