24 октябрь куни Ўзбекистон Ташқи ишлар вазирлиги Ҳайъатининг кенгайтирилган мажлиси бўлиб ўтди, дея хабар бермоқда ТИВ матбуот хизмати.
Унда вазирлик раҳбари Абдулазиз Комилов Жамоатчилик ва оммавий ахборот воситалари билан алоқалар бошқармаси бошлиғи — матбуот котиби, вазирнинг ахборот сиёсати масалалари бўйича маслаҳатчиси лавозимига Адилбек Каипбергенов тайинланганини маълум қилган.
Маълумот учун, таниқли қорақалпоқ ёзувчиси Тулепберген Каипбергеновнинг ўғли Адилбек Каипбергенов 2011 йил апрелидан бери ТИВ матбуот хизмати раҳбари ҳисобланади. У турли йилларда «Правда» (Москва) газетасининг Ўзбекистон бўйича мухбири, «Народное слово» газетаси бош муҳаррири ўринбосари, Ўзбекистоннинг Россиядаги элчихонаси матбуот котиби лавозимларида ҳам ишлаган.
Президент Шавкат Мирзиёевнинг 2019 йил июнь ойидаги қарорига мувофиқ, давлат ташкилотлари ва идораларининг ахборот хизматлари раҳбарлари бир вақтнинг ўзида раҳбарнинг матбуот котиби ҳисобланади, ахборот сиёсати масалалари бўйича раҳбарнинг маслаҳатчиси мақомига эга бўлади ва мақоми раҳбар ўринбосарига тенглаштирилади.
Изоҳ (0)