Самарқанд вилояти ИИБ Йўл ҳаракати хавфсизлиги бошқармаси (ЙҲХБ) раҳбарияти ҳамда жамоада хизмат қилаётган ходимлар 25 октябрь — Ички ишлар идоралари ходимлари куни муносабати билан далаларда пахта тераётган меҳнаткашларга яқиндан ёрдам берди.
Самарқанд вилояти ИИБ ЙҲХБ матбуот хизматининг «Дарё»га хабар беришича, теримда иштирок этаётган фаол теримчиларга ИИБ ЙҲХБ раҳбарияти томонидан пул мукофотлари ва эсдалик совғалари топширилган. Шунингдек, улар учун дастурхон ёзилиб, санъаткорлар иштирокида концерт уюштирилган.
«Бу каби тадбирлар теримчиларимизни илҳомлантириб, келгусида янада ғайрат билан меҳнат қилишга ундайди. Бу каби тадбирлар вилоят бўйлаб давом этмоқда», — дейилади вилоят ИИБ ЙҲХБ ахборотида.
Изоҳ (0)