Ўзбекистон Миллий гвардияси Ҳарбий-техник институти ташаббуси билан Тошкент шаҳар Олмазор тумани умумтаълим мактабларининг 10—11-синф ўқувчилари ўртасида спортнинг волейбол ҳамда стол тенниси турлари бўйича Олмазор туман биринчилик мусобақалари ўтказилди. Бу ҳақда Миллий гвардия ахборот хизмати «Дарё»га маълум қилди.
Мазкур мусобақаларда 34 та умумий ўрта таълим мактабининг ўқувчилари фаол қатнашди. Чемпионатлар якунига кўра, барча ғолиблар ташкилотчилар томонидан медал ва эсдалик совғалари билан тақдирланди.
Шунингдек, Ҳарбий-техник институт томонидан Тошкент шаҳрининг Олмазор туманида жойлашган саккизта умумий ўрта таълим мактаби ва битта имконияти чекланган болалар мактаб-интернатида фаолияти йўлга қўйилган жиу-житсу бўйича бепул спорт тўгараклари қатнашчилари ўртасида жиу-житсу спорт тури бўйича ёшлар ва ўсмирлар ўртасида туман очиқ чемпионати бўлиб ўтди.
Ўзбекистон Миллий гвардияси Ҳарбий-техник институти, Ўзбекистон жиу-жицу федерацияси ва Тошкент шаҳар Олмазор тумани Халқ таълими бўлими ҳамкорлигида ташкил этилган мусобақада ўқувчи-ёшлар мураббийларидан ўрганган кўникмаларини спорт майдонида муваффақиятли намойиш этиб, фахрли ўринлар ва бир қатор номинациялар бўйича муносиб тақдирланди.
Изоҳ (0)