UFC’нинг икки вазн тоифасида собиқ чемпиони Конор Макгрегор «Ювентус» клуби ва Португалия терма жамоаси ҳужумчиси Криштиану Роналдуни жаҳоннинг энг яхши спортчиси деб билишини маълум қилди.
«Жаҳоннинг энг яхши спортчиси? Криштиану Роналду. У фаолияти мобайнида кўплаб совринларни ютиб олган буюк атлет ва спортчи. Ўйлашимча, у футбол тарихидаги энг буюк ўйинчи.
Мен футболнинг ашаддий мухлисиман. Бироқ жанглар сабаб уни бироз ташлаб қўйдим. Европа Чемпионатида Россияга мухлислик қиламан, албатта. Ушбу мусобақа финалини томоша қилмоқчиман. Бироқ энди ўзимникиларга — ирландларга ишқибозлик қилмайман», — дейди Макгрегор.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)