Хитой ҳукумати Керри Ламни Гонконг маъмурияти раҳбари лавозимидан озод этишни режалаштирмоқда. Бу ҳақда «ТАСС» хабар берди.
Financial Times нашри манбаларига кўра, мазкур қарор Хитой раиси Си Цзиньпин томонидан маъқулланса, маъмуриятнинг вақтинчалик раҳбари Бутунхитой халқ вакиллари йиғинининг йиллик сессияси бўлиб ўтадиган март ойида тайинланади ва Ламнинг ваколатлари якунланадиган 2022 йилгача лавозимда қолади. Бироқ бу янги номзод кейинчалик беш йиллик муддатга тайинланишини англатмайди.
Маъмурият раҳбари лавозимига асосий номзодлар қаторида Гонконг Марказий банки собиқ бошлиғи Норман Чан ва Гонконг ҳукуматининг собиқ бош вазири Генри Тан келтирилмоқда.
Нашрнинг таъкидлашича, Хитой расмийлари маъмурият раҳбарини алмаштириш ҳақида узил-кесил қарор қабул қилиш учун Гонконгда вазият барқарорлашишини кутиш ниятида.
Изоҳ (0)