Халқаро валюта жамғармаси янги минтақавий техник ёрдам марказини Қозоғистоннинг Олмаота шаҳрида очиш ҳақида қарор қабул қилди. Марказнинг иши тахминан бир йилдан кейин бошланиши кутилмоқда. Бу ҳақда «Gazeta.uz» хабар берди.
Марказ Кавказ, Марказий Осиё ва Мўғулистон минтақасидаги жамғарманинг тўққизта аъзо мамлакатида солиқ сиёсати, марказий банк операциялари, солиқ соҳасидаги назорат ва макроиқтисодий статистика йўналишлари бўйича салоҳиятни ривожлантириш бўйича хизмат кўрсатади. Марказ ХВЖнинг фаолиятини режалаштириш, мувофиқлаштириш ва амалга ошириш нуқтаси бўлиши кутилмоқда.
ХВЖнинг бошқарувчи директори ўринбосари ва асосий маъмурий ходими Карла Грассо томонидан қайд этилишича, марказ учун жой танлашда сўров ва таклифларни баҳолаш натижаларига асосланилган. Бунда молиявий қўллаб-қувватлаш, авиақатновлар ҳамда бошқарув ва моддий-техник масалаларни қамраб олувчи омиллар ҳисобга олинган.
Карла Грассо Грузия ва Ўзбекистон ҳукуматларига марказни жойлаштириш бўйича таклифлари учун миннатдорчилик билдирган.
Изоҳ (0)