Афғонистон Мустақил сайлов комиссияси раиси Ҳаво Алам Нуристоний мамлакатда ўтган президентлик сайловларининг дастлабки натижаларининг эълон қилиниши кечикишини эълон қилди, деб ёзмоқда «Afghanistan.ru».
Дастлабки натижалар 19 октябрда, якуний натижалар эса 7 ноябрда эълон қилиниши режалаштирилганди, аммо комиссия мутахассисларининг қайд этишича биометрик маълумотларни олиш юзасидан техник муаммолар сабаб ушбу муддатлар ўзгаради.
Кобулда ўтган матбуот анжуманида Нуристоний дастлабки натижаларнинг кечикиши сайлов жараёнининг келажакда ҳам шаффоф ва ҳаққоний ўтишини таъминлашини билдирди.
Унинг айтишича, овозларни ҳисоблаш жараёнининг секинлашишига айрим кузатувчиларнинг нотўғри ҳаракатлари сабаб бўлмоқда.
Афғонистондаги президентлик сайловларида 2018 йилда парламент учун сайловлар вақтида фойдаланилган сайловчиларни биометрик рўйхатга олиш тизими орқали амалга оширилган. Аммо бу сафар ҳам ўтган йилда кузатилгани каби биометрик қурилмалардаги маълумотларни жамлашда муаммолар юзага келган.
Биометриясиз бюллетенларни ҳам ҳисобга қўшиш масаласи мамлакатда келишмовчиликларни келтириб чиқарди ва номзодларнинг кўпчилиги сайловлар натижасини ҳисоблашда қаллоблик қилиниши мумкинлигидан хавотирда эканлигини билдирган. Якунда тегишли қарорни Мустақил сайлов комиссияси қабул қилганди.
Аввал амалдаги президент Муҳаммад Ашраф Ғанининг тарафдорлари биометрик бўлмаган сайлов овозларини ҳам ҳисобга қўшишни таклиф қилганди.
Изоҳ (0)