АҚШ конгрессидаги республикачилар гуруҳи етакчиси Митч Макконелл мамлакат президенти Дональд Трампнинг Сурия ҳудудидан америкалик ҳарбийларнинг чиқиб кетиши ҳақидаги қарори «жиддий стратегик хато» эканлигини таъкидлади, деб ёзмоқда «ТАСС».
«АҚШ қўшинларининг Сурия ҳудудидан чиқариб юборилиши — жиддий стратегик хато. Америка ҳарбийларининг Суриядан чиқиб кетиши, Барак Обама бир вақтлар Ироқда қилган хатонинг такрорланиши бўлди. Ўшанда бундай қарор сабаб ИШИДнинг пайдо бўлишига шароит яратилганди.
Беш кунлик тинчлик сулҳи эълон қилинган бўлса ҳам АҚШ қўшинлари ИШИД ва бошқа террорчилар гуруҳларидан анча узоқлашиб кетган. Бизнинг чекинишимиз Сурияда Башар Асаднинг шафқатсиз ҳукмронлиги ва Эрон тарафдорларининг ҳудудда бошқарув ўрнатишига олиб келади. Россиянинг Сурияда ўз таъсир доирасини кенгайтириб бораётганлигини ҳам қоралаймиз», — дея таъкидлаган сенатор.
Макконеллнинг фикрича, АҚШ Туркия босқинини тўхтатиши ва ўт очишни тўхтатиб туриш муддатини яна узайтириши ҳамда ўз қўшинини такроран Сурияга киритишга уриниши лозим. Шунингдек, Қўшма штатлар ҳукумати Туркиянинг Россиядан узоқлашиши ва НАТОга қайтишига шароит яратиши зарур.
Изоҳ (0)