Эрон миллий хавфсизлик иттифоқининг котиби Али Шамхоний Туркиянинг Сурия шимоли-шарқида амалга оширган «Тинчлик булоғи» ҳарбий операциясини Яқин Шарқда ИШИДнинг қайта пайдо бўлиши учун АҚШ томонидан амалга оширилган фитна эканлигини таъкидлади. Бу ҳақда «Iran.ru» хабар берди.
Шамхоний минтақадаги миллатларни огоҳликка ва бу каби фитналарга қарши курашиш, ушбу жараёнда бирлашган ҳолда нияти эзгу бўлмаган хориж давлатларига қарши туришга чақирди.
Шунингдек, форслар адмирали террорчилик муаммосига икки хил қараш вужудга келганлигини қайд этиб, Суриянинг шимоли-ғарбидаги Идлиб вилоятида рўй бераётган ҳодисаларни қоралади.
Туркия 9 октябрда Сурия шимоли-шарқида Курдистон ишчи партияси, Сурия демократик кучлари ҳамда ИШИД гуруҳларига қарши «Тинчлик булоғи» ҳарбий операциясини бошлаган. Ушбу ҳаракатлар олдидан ва уруш бошланганидан кейин дунё давлатлари, жумладан, Араб миллатлар лигасига аъзо мамлакатлар, Европа иттифоқи, Эрон, Миср, Ироқ, Буюк Британия, АҚШ, Германия, Франция, Бельгия, Эстония, Канада ва бошқа давлатлар Анқаранинг ушбу ҳаракатларини қоралаган. 17 октябрь, пайшанба куни Туркия президенти Ражаб Тоййиб Эрдўғон ва АҚШ вице-президенти Майкл Пенс ўртасида Анқарада ўтказилган музокаралардан кейин келишув тузилган. Унга кўра, турклар курдлар Сурия билан чегара ҳудудидан узоқлашиши учун 120 соат давомида «Тинчлик булоғи» операциясини тўхтатиб туришни ваъда берган.
Суриядаги курд жангарилари «Сурия демократик кучлари» гуруҳи коалиция таркибида мамлакатдаги ИШИД террорчиларига қарши курашда улар устидан қозонилган ғалабада улкан улуш қўшган.
Аввал Эрин суд тизими раҳбари Иброҳим Раисий ҳам Туркиянинг Сурия ҳудудидаги ҳаракатлар ИШИДнинг уйғонишига сабаб бўлиши мумкинлигидан хавотирда эканлигини қайд этган.
Мавзуга доир:
У халқаро сув йўлларида хавфсизликнинг таъминланмаганлиги ҳудудда инқирознинг юзага келишига сабаб бўлаётганлигини маълум қилди.
«Минтақадаги чигал вазиятни янада оғирлаштириш мақсадида Қизил денгизда Эрон нефть танкерига уюштирилган ракеталар ҳужуми учун муносиб ва рақибни афсус-надомат чекишга мажбур қиладиган жавоб қайтаради», — дея таъкидлаган Эрон адмирали.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)