Буюк Британия бош вазири Борис Жонсон Еврокенгаш раиси Дональд Тускка Brexit санасини кечиктириш сўралган мактуб йўллади. Бу ҳақда Туск 19 октябрь куни кечки пайт Twitter’даги саҳифасида ёзув қолдирган, дея хабар беради «Korrespondent.net».
«Ҳозиргина Brexit санасини кечиктириш ҳақидаги мактубни олдим. Энди Евроиттифоқ етакчилари билан бу илтимосга қандай муносабат билдириш юзасидан маслаҳатлашувларни бошлайман», — дейилади Тускнинг хабарида.
Мактубда Brexit учун охирги сана сифатида 2020 йил 31 январни белгилаш таклиф этилган. Шу билан бирга, томонлар тайёр бўлган тақдирда буни эртароқ амалга ошириш имконияти ҳам кўриб чиқилиши қўшимча қилинган.
Изоҳ (0)