Ўзбекистон Республикаси Монополияга қарши курашиш қўмитаси, Қўмита ҳузуридаги Истеъмолчилар ҳуқуқларини ҳимоя қилиш агентлиги, «Ўзстандарт» агентлиги билан биргаликда қолипли нон ишлаб чиқариш ва сотишда унинг сифати ва белгиланган вазнига мувофиқлигини доимий равишда ўрганиб боради. Бу ҳақда қўмита матбуот хизмати хабар берди.
Қўмита истеъмолчиларга мурожаат қилиб, ноннинг белгиланган сифати ва вазни меъёрларига мос келмаслик фактини аниқланган ҳолатда Монополияга қарши курашиш қўмитасига ва қўмита ҳузуридаги Истеъмолчилар ҳуқуқларини ҳимоя қилиш агентлигига мурожаат қилишни сўраган.
Мурожаатда белгиланган давлат стандартларига жавоб бермайдиган қолипли нонни ишлаб чиқариш ва сотиш пунктларининг манзилларини аниқ кўрсатиш зарур. Шунингдек, фикр-мулоҳаза учун телефон рақамини қолдириш сўралади.
Эслатиб ўтамиз, 15 октябрдан бошлаб Тошкент шаҳрида қолипли нон («буханка») нархи ошди. Ҳозирда дўконларда «буханка» 1350—1500 сўмдан сотилмоқда.
14 октябрь, душанба куни Вазирлар Маҳкамасининг «Дон, ун ва нон етказиб бериш тизимига бозор механизмларини тўлиқ жорий этиш чора-тадбирлари тўғрисида»ги қарори қабул қилинди.
Изоҳ (0)