Қозоғистон мамлакат ҳудудидан сигирларни олиб чиқишни тақиқлади. Бу ҳақда мамлакат қишлоқ хўжалиги вазири ва молия вазирининг қўшма қарорида айтилади, деб ёзади Spot.
Тақиқ олти ойга жорий этилади ҳамда йирик шохли қорамол, хусусан, бир ёшгача бўлган урғочи бузоқлар, бир ёшдан ошган сигирлар, қўй, эчки ва эчки болаларига тегишли.
Бунга қадар Қозоғистон урғочи молларни мамлакат ҳудудидан олиб чиқишга тақиқ қўйган эди.
Ўшанда республикада 78 та чорвачилик хўжалиги мавжудлиги, улар орқали моллар хорижий мамлакатларга, хусусан, Ўзбекистонга экспорт қилиниши маълум бўлган эди.
«Биз уларнинг 50 тасига хорижга чорва молларини экспорт қилишни тақиқламоқчимиз. Чунки биз оқимни назорат қила олмаяпмиз, шундан сўнг вазиятни назорат остига оламиз», — деган эди Қозоғистон қишлоқ хўжалиги вазири Сапархан Омаров.
Мавзуга доир:
Изоҳ (0)