Qozog‘iston mamlakat hududidan sigirlarni olib chiqishni taqiqladi. Bu haqda mamlakat qishloq xo‘jaligi vaziri va moliya vazirining qo‘shma qarorida aytiladi, deb yozadi Spot.
Taqiq olti oyga joriy etiladi hamda yirik shoxli qoramol, xususan, bir yoshgacha bo‘lgan urg‘ochi buzoqlar, bir yoshdan oshgan sigirlar, qo‘y, echki va echki bolalariga tegishli.
Bunga qadar Qozog‘iston urg‘ochi mollarni mamlakat hududidan olib chiqishga taqiq qo‘ygan edi.
O‘shanda respublikada 78 ta chorvachilik xo‘jaligi mavjudligi, ular orqali mollar xorijiy mamlakatlarga, xususan, O‘zbekistonga eksport qilinishi ma’lum bo‘lgan edi.
“Biz ularning 50 tasiga xorijga chorva mollarini eksport qilishni taqiqlamoqchimiz. Chunki biz oqimni nazorat qila olmayapmiz, shundan so‘ng vaziyatni nazorat ostiga olamiz”, — degan edi Qozog‘iston qishloq xo‘jaligi vaziri Saparxan Omarov.
Mavzuga doir:
- Qozog‘iston O‘zbekiston tufayli mamlakatdan chorva olib chiqilishini cheklamoqda
- Qozog‘iston O‘zbekistonga yirik shoxli chorva sotishni taqiqlash rejasidan qisman voz kechdi
- Qozog‘iston mamlakatdan yirik qoramol olib ketilishini taqiqlamoqchi. Bu ularning O‘zbekistonga katta miqdorda yetkazilgani bilan bog‘liq
Izoh (0)