Сурияда қарийб 800 нафар маҳбус ИШИД тарафдорлари лагеридан қочди
Курд вакиллари Сурия шимолида Айн-Иса шаҳри яқинидаги ИШИД тарафдорлари бўлган махсус лагердан 785 нафар одамнинг қочиб кетганини хабар қилди, деб ёзган «Коммерсантъ». Хабарга кўра, ушбу қочиш Туркиянинг ҳудуддаги ҳарбий операциялари сабаб содир бўлган. Қочган асирларнинг ҳеч бири Сурия фуқароси эмас.
Ушбу воқеага Франция ҳукумати ўз муносабатини билдирди, ҳукумат вакили Сибет Ндиай содир бўлган воқеадан мамлакатнинг ташвишга тушгани ва Туркиянинг Сурия шимоли-шарқидаги ҳарбий ҳаракатларни тезроқ тўхтатишни, расмий Париж ушбу операцияни қоралашини маълум қилган.
Франция ҳамда Германия Сурия шимоли-шарқида фойдаланиш мумкин бўлган ҳар қандай қурол-яроғни Туркияга сотишни тўхтатган.
Туркия 9 октябрда «Тинчлик булоғи» операциялари бошланишини эълон қилган. Давлат раҳбари Ражаб Тоййиб Эрдўғон ушбу ҳарбий ҳаракатлардан кўзланган мақсад «Халқ ҳимоя отрядлари» ва Курдистон ишчи партияси террочиларини ҳудуддан сиқиб чиқаришдан иборатлигини қайд этган. Дунёнинг кўплаб давлатлари Туркиянинг ушбу ҳарбий ҳаракатларини қораламоқда.
Мавзуга доир:
