«Ўзкомназорат» «Unitel» МЧЖ томонидан тақдим этилаётган мобил алоқа хизматлари сифатини текширишни бошлади, бу эса истеъмолчилар ҳуқуқларини ҳимоя қилишга қаратилган ижобий қадамлардан далолат беради. Бу ҳақда «Дарё»нинг «Ўзкомназорат»даги манбаси хабар берди.
Жорий йилнинг апрель ойида «Роскомназорат» радиочастота хизмати билан ҳамкорликда Смоленск вилоятида «катта тўртлик» операторларининг хизмат сифатини текшириш натижаларини эълон қилган эди.
Турли алоқа операторларни хизмат сифатини текшириш натижалари качествосвязи.рф махсус порталида эълон қилинди.
Текшириш натижалари муваффақиятсиз амалга оширилган қўнғироқлар 4,2 фоиз билан «Мегафон» оммавий аксионерлик жамияти улушига тўғри келганини кўрсатди.
Бошқа операторларда бу кўрсаткич тахминан бир хил: «ВимпелКом» ОАЖда — 7,3 фоиз, «МТС» ОАЖда — 8 фоиз, «Т2 Мобайл» МЧЖ — 7,1 фоиз.
СМС-хабарларни жўнатиш бўйича хизмат кўрсатишда алоқа операторларида етказиб берилмаган хабарлар улуши 0,8 фоиздан 3,3 фоизгача, маълумотлар узатиш тезлиги 5 дан 11 Мбит/секундни ташкил этди.
Шу билан бирга «ВимпелКом» ОАЖ тармоқларида хабар жўнатиш учун кўпроқ вақт сарфланаётгани маълум бўлди (хабарларни етказиб бериш вақти ўртача ҳисобда 8,7 сония), маълумотларни узатиш тезлиги эса тахминан 5 Мбит/с.
Маълумотларни узатишнинг энг юқори тезлиги «Т2 Мобайл» МЧЖ ва «МТС» ОАЖ тармоқларида қайд этилди: 10,8 Мбит/с ва 10,6 Мбит/с.
«Ўзкомназорат»даги манбанинг қайд этишича, Ўзбекистондаги алоқа истеъмолчиларига кўрсатилаётган хизматлар сифатини текширишда шундай тажрибалардан фойдаланилади.
Маълумот учун, «Ўзкомназорат» Ўзбекистон Республикаси Президентининг 2019 йил 14 сентябридаги «Ахборот технологиялари ва коммуникацияларининг жорий этилишини назорат қилиш, уларни ҳимоя қилиш тизимини такомиллаштиришга оид қўшимча чора-тадбирлар тўғрисида»ги ПҚ—4452-сон қарори билан тасдиқланган.
Изоҳ (0)