7—11 октябрь кунлари «Э-ижро аукцион» электрон онлайн-аукцион савдоларида бошланғич нархи 1 сўмга тенг қийматдаги 4 та бўш турган давлат мулки объектлари, 167 та ер участкасига бўлган ҳуқуқ ва суд ҳужжатларини ижро этиш бўйича 65 та объект сотилди. Бу ҳақда ЎзА хабар берди.
Ер участкаларига бўлган ҳуқуқ
Ер ресурслари бўйича электрон онлайн-аукционларда ушбу ҳафтада жами 167 та бошланғич нархи 668,9 миллион сўмлик ер участкаларига бўлган ҳуқуқ 57 миллиард 553,8 миллион сўмлик инвестиция киритиш ва 706 га яқин янги иш ўринларини яратиш шарти билан 1 миллиард 798,1 миллион сўмга сотилди.
Шунингдек, «Э-ижро аукцион» ягона электрон савдо майдончасида ҳозирги кунда 3 905 та бошланғич нархи 107 миллиард 538 миллион сўмлик бўш ер участкалари электрон онлайн-аукцион савдоларида реализация қилиш учун жойлаштирилган.
Суд ҳужжатларини ижро этиш бўйича
Суд ҳужжатлари ва бошқа органлар ҳужжатларини ижро этишда мол-мулкни реализация қилиш бўйича бўлиб ўтган электрон онлайн-аукционларда ушбу ҳафта жами 65 та объект 19 миллиард 533,2 миллион сўмга сотилди. Ҳафта давомида 97 та объект электрон онлайн-аукцион савдоларига чиқарилди.
Давлат мулки объектлари
Давлат активларини бошқариш агентлиги ҳудудий бошқармалари томонидан ушбу ҳафтада «Э-ижро аукцион» электрон онлайн-аукцион савдоларида бошланғич нархи 1 сўм қилиб белгиланган бўш турган 4 та давлат мулки объекти 2 миллиард 900 миллион сўм инвестиция киритиш, 52 та янги иш ўринларини яратиш шарти билан 4,0 миллион сўмга сотилди.
Шу билан бирга, «Э-ижро аукцион» электрон савдо майдончасига қўйилган давлат кўчмас мулк объектлари жами 9 та баҳоланган нархи 9 миллиард 43,9 миллион сўм бўлган давлат кўчмас мулк объектлари 9 миллиард 576,0 миллион сўмга реализация қилинган.
7 та бошланғич қиймати 8 миллиард 925 миллион сўм бўлган давлат улушлари 9 миллиард 451 миллион сўм қийматида сотилган.
Дарё ўзанларини тозалаш ҳуқуқи
Ҳафта давомида жами 2 та бошланғич нархи 548,2 миллион сўмлик ер участкасига бўлган ҳуқуқ электрон онлайн-аукцион савдоларига чиқарилди.
Шу билан бирга ҳафта давомида «Э-ижро аукцион» ягона электрон савдо майдончасида 3 та дарё ўзанларини тозалаш лойиҳалари 574,1 миллион сўмга сотилди.
«Э-ижро аукцион» ягона электрон савдо майдончасида ҳозирги кунда 31 та бошланғич нархи 10 миллиард 106 миллион сўмлик дарё ўзанларини тозалаш лойиҳалари электрон онлайн-аукцион савдоларида реализация қилиш учун жойлаштирилган.
Металл қазиб олиш ҳуқуқи
Шу билан бирга, ҳафта давомида жами 4 та бошланғич нархи 30 миллион сўмлик қимматбаҳо металларни қазиб олиш ҳуқуқи 39,7 миллион сўмга сотилди.
Шунингдек, «Э-ижро аукцион» ягона электрон савдо майдончасида ҳозирги кунда 6 та бошланғич нархи 45 миллион сўмлик қимматбаҳо металларни қазиб олиш ҳуқуқи электрон онлайн-аукцион савдоларида реализация қилиш учун жойлаштирилган.
Изоҳ (0)