“O‘zkomnazorat” “Unitel” MChJ tomonidan taqdim etilayotgan mobil aloqa xizmatlari sifatini tekshirishni boshladi, bu esa iste’molchilar huquqlarini himoya qilishga qaratilgan ijobiy qadamlardan dalolat beradi. Bu haqda “Daryo”ning “O‘zkomnazorat”dagi manbasi xabar berdi.
Joriy yilning aprel oyida “Roskomnazorat” radiochastota xizmati bilan hamkorlikda Smolensk viloyatida “katta to‘rtlik” operatorlarining xizmat sifatini tekshirish natijalarini e’lon qilgan edi.
Turli aloqa operatorlarni xizmat sifatini tekshirish natijalari качествосвязи.рф maxsus portalida e’lon qilindi.
Tekshirish natijalari muvaffaqiyatsiz amalga oshirilgan qo‘ng‘iroqlar 4,2 foiz bilan “Megafon” ommaviy aksionerlik jamiyati ulushiga to‘g‘ri kelganini ko‘rsatdi.
Boshqa operatorlarda bu ko‘rsatkich taxminan bir xil: “VimpelKom” OAJda — 7,3 foiz, “MTS” OAJda — 8 foiz, “T2 Mobayl” MChJ — 7,1 foiz.
SMS-xabarlarni jo‘natish bo‘yicha xizmat ko‘rsatishda aloqa operatorlarida yetkazib berilmagan xabarlar ulushi 0,8 foizdan 3,3 foizgacha, ma’lumotlar uzatish tezligi 5 dan 11 Mbit/sekundni tashkil etdi.
Shu bilan birga “VimpelKom” OAJ tarmoqlarida xabar jo‘natish uchun ko‘proq vaqt sarflanayotgani ma’lum bo‘ldi (xabarlarni yetkazib berish vaqti o‘rtacha hisobda 8,7 soniya), ma’lumotlarni uzatish tezligi esa taxminan 5 Mbit/s.
Ma’lumotlarni uzatishning eng yuqori tezligi “T2 Mobayl” MChJ va “MTS” OAJ tarmoqlarida qayd etildi: 10,8 Mbit/s va 10,6 Mbit/s.
“O‘zkomnazorat”dagi manbaning qayd etishicha, O‘zbekistondagi aloqa iste’molchilariga ko‘rsatilayotgan xizmatlar sifatini tekshirishda shunday tajribalardan foydalaniladi.
Ma’lumot uchun, “O‘zkomnazorat” O‘zbekiston Respublikasi Prezidentining 2019-yil 14-sentabridagi “Axborot texnologiyalari va kommunikatsiyalarining joriy etilishini nazorat qilish, ularni himoya qilish tizimini takomillashtirishga oid qo‘shimcha chora-tadbirlar to‘g‘risida”gi PQ—4452-son qarori bilan tasdiqlangan.
Izoh (0)