Куба парламенти Гаванада бўлиб ўтган йиғилишда давлат кенгаши раиси Мигель Диас-Канелни мамлакат президенти этиб сайлади. Республика вице-президенти этиб давлат кенгаши раиси ўринбосари Сальвадор Вальдес сайланган, деб хабар беради «Коммерсантъ».
«Миллий сайлов кенгаши президенти Алина Балсейро овоз бериш жараёнлари натижасини маълум қилди. Республика президенти: Мигель Диас-Канель; вице-президент: Сальвадор Вальдес», — дейилади парламент хабарида.
Granma маҳаллий газетасининг ёзишича, Мигель Диас-Канель учун 605 нафар дупутатнинг 579 нафари овоз берган. Куба президентлигига жами 17 киши даъвогарлик қилаётган эди. Диас-Канелнинг ўрнига давлат кенгаши раиси этиб парламент спикери Эстебан Ласо Эрнандес тайиналанди.
Эслатиб ўтамиз, жорий йилнинг февралида кубаликлар референдум орқали янги конституция қабул қилинишини маъқуллаган эди. Куба янги конституцияси мамлакат раҳбари сифатида икки марта беш йилдан сайланишни, шунингдек, хусусий мулк ҳуқуқини белгилаб беради.
Изоҳ (0)