Сурхондарё вилоятида 5—6 октябрь кунлари Ўзбекистон Президентининг соврини учун «Ал Ҳаким Ат-Термизий» хотирасига бағишланган кураш бўйича халқаро турнирда Сурхондарё вилоятига жами 46 та давлатдан 200 нафардан ортиқ чет эллик спортчи ва меҳмонлар ташриф буюрди. Бу ҳақда Сурхондарё вилояти ИИБ матбуот хизмати хабар берди.
Ташриф давомида хорижлик меҳмонлар эҳтиётсизлиги оқибатида шахсий буюмларини йўқотиб қўйганлиги бўйича Сурхондарё вилояти ИИБ Хавфсиз туризмни таъминлаш бошқармаси ходимларига қилган мурожаатлари, зудлик билан ўрганилиб, йўқотилган нарса ва буюмлар ўз эгаларига қайтарилди.
Хусусан, 5 октябрь куни Афғонистон фуқароси 1991 йилда туғилган Мубариз Соҳраб уяли телефонини йўқотиб қўйганлиги бўйича қилган мурожаати юзасидан унинг уяли телефон аппарати топиб берилди.
Бундан ташқари, 6 октябрь куни Бразилия фуқароси 1975 йилда туғилган Пауло Кацураги ўзининг сумкаси ва унинг ичида бўлган фуқаролик паспорти, 2500 АҚШ доллари, 300 евро пул буюмларини эҳтиётсизлиги оқибатида йўқотиб қўйганлиги бўйича қилган мурожаати, шунингдек, шу куни Афғонистондан келган ҳакам Аҳмат Ямасамак ҳакамлик сертифакатини йўқотиб қўйганлиги бўйича қилган мурожаатлар юзасидан йўқотилган буюмлар топилиб, ўз эгаларига топширилди.
Изоҳ (0)