Nokia кексалар учун мўжалланган тугмали телефонни сотувга чиқарди. Қурилма шошилинч чақирув тугмасига эга

Nokia компанияси Nokia 2720 Flip —янги функцияларга эга бўлган тугмали очилиб-ёпиладиган телефонни сотувга чиқарди. Бу ҳақда «Kod.ru» хабар бермоқда.

Қурилма 4G ва Wi-Fi тармоқларига уланади, асосий мессенжерлар, жумладан, WhatsApp ва Facebook дастурларига эга. Google-ассистент ёрдамида овозли бошқарувдан фойдаланиш мумкин.

Шунингдек, телефонда унинг эгаси саломатлиги ҳақидаги маълумотлар бўлими ва ёрдам зарур бўлганда босиладиган шошилинч чақирув тугмаси мавжуд.

Экспертлар Nokia шу тариқа мазкур янги қурилмани, кекса кишилар учун телефон тариқасида тақдим этаётган деб ҳисобламоқда.Кутиш тартибида телефон қувватланишсиз 28 кунгача ишлаши мумкин. Унинг нархи 100 доллар атрофида эканлиги айтилмоқда.