Хитойнинг Xiaomi компанияси Mi Mix Alpha консептуал смартфонини намойиш этди, дея хабар бермоқда Meduza.
Унинг энг асосий ўзига хослиги — корпусни тўлиқ қамраб олган экранидир. Дисплейнинг майдони қурилма ҳажмининг 180 фоизини ташкил этади.
Never get tired looking at this one. #MiMIXAlpha just landed. pic.twitter.com/Z4KSZ7bmgk
— Xiaomi (@Xiaomi) September 24, 2019
Smartфоннинг орқа панелида турли ахборот, масалан, об-ҳаво маълумоти ёки навигатор акс этиб туради.
Flip over #MiMIXAlpha and check out what happens. pic.twitter.com/q1wQNu4jnC
— Xiaomi (@Xiaomi) September 24, 2019
Ён панелда батарея қуввати ва тармоқ сигнали индикаторлари, шунингдек, овозни баланд-паст қилиш сенсор тугмалари жойлашган.
No side buttons? No problem with #MiMIXAlpha. pic.twitter.com/iOSnHtnWO1
— Xiaomi (@Xiaomi) September 24, 2019
Орқа панелда Samsung’нинг Xiaomi билан ҳамкорликда ишлаб чиқилган 108 мегапикселли камераси жойлашган. Қурилма, шунингдек, 20 мегапикселли ултракенг бурчакли объектив ва 12 мегапикселли телеобъективга ҳам эга. Телефоннинг олд камераси йўқ.
Смарфон 5G тармоқда ишлай олади, оператив хотираси 12 гигабайтга, ички хотираси эса 512 гигабайтга тенг. Батареясининг қуввати 4050 миллиампер-соатга тенг.
This is #MiMIXAlpha, a surround display 5G concept smartphone. Challenge the impossible, to make the future possible. pic.twitter.com/ZqLfWydmJg
— Xiaomi (@Xiaomi) September 24, 2019
Mi Mix Alpha смартфони 2019 йилда чекланган миқдорда чиқарилади. Телефоннинг нархи 19 999 юан (2800 доллар)га тенг. Таққослаш учун, iPhone 11 нинг 64 гигабайтли версияси АҚШда бундан тўрт баробар арзон — 700 доллардан сотилмоқда.
Изоҳ (0)