Дания қироллигида ахборот-коммуникация технологиялари соҳасида ишлаб, Ўзбекистонга қайтган ва яқинда Давлат солиқ қўмитаси раиси ўринбосари лавозимига тайинланган Абдулла Азизов 5 октябрь, шанба куни пахтага чиқди.
Бу ҳақда унинг ўзи Facebook’даги саҳифасида қуйидагиларни маълум қилган:
Кеча пахтага чиқишдан иккита мақсад бор эди:Эслатиб ўтамиз, Дания қироллигида ахборот-коммуникация технологиялари соҳасида ишлаётган Абдулла Азизов Шавкат Мирзиёев қарори билан 24 сентябрь куни Давлат солиқ қўмитаси раиси ўринбосари лавозимига тайинланганди.Биринчидан, Давлат солиқ қўмитаси ходимларини қўллаб-қувватлаш. Бир-биримизни эшитиб, тўғри йўл кўрсатиб, қўллаб-қувватлаб, кучли команда бўламиз.
Иккинчидан, пахта терим жараёнини ўз кўзим билан кўриб ўрганиш, процессни оптималлаштириш ва автоматизациялаш.
Яхши идеалар (ғоя — таҳририят) келди. Сизлар билан бўлишмоқчиман. Мақсад, терим жараёнида инсон иштирокини камайтириб, пахта унумини ошириш.
Конкурс уюштиришни ният қилдим. Конкурсда ҳамма қатнашиши мумкин. Ютуқ 50 000—200 000 АҚШ доллари, агар имкон бўлса ундан ҳам юқори бўлиши керак. Бунинг устида ишлаб, фондлардан бўлса ҳам маблағ топамиз.
Ҳозир теримда 1 килограмм учун ўртача 1 000 сўм бериларкан. Янги ечимда терим ҳаражати бундан арзон, тез ва фойдали бўлиши керак. Ечимда, албатта, IT технологиясидан фойдаланилиши керак. Иштирокчилар гуруҳ бўлиб қатнашса, гуруҳда пахта етиштирган, пахта етиштириш билан шуғулланган олим ва албатта, камида 2 та IT мутахассиси бўлса, совриндор бўлиш эҳтимоли катта бўлади.
Ёндашув «out of box» бўлиши керак. Ўзимнинг идеаларимни ҳам беришга тайёрман, агар иштирокчиларни ўзгача ёндашувига ёрдами тегса.
Абдулла Азизов, Давлат солиқ қўмитаси раиси ўринбосари
Изоҳ (0)