Тошкентда талончилар уй эгасини уриб, телефонини ўмариб кетди

Тошкентнинг Юнусобод туманида уч нафар номаълум шахс талончилик содир этди, деб хабар бермоқда ИИББ матбуот хизмати.

Воқеа 15 сентябрь куни соат 00:30 да содир бўлган. Талончилар турар-жой биносининг деворидан ошиб ўтиб, ётоқхонадаги стол устидан нархи 1 миллиом сўм бўлган иккита мобил телефонини ўғирлаган.

Ўғрилар уйни тарк этмоқчи бўлганларида уйнинг эгаси 55 ёшли К.Ҳаким уйғониб кетиб, уларни қўлга олишга уринган. Номаълум шахслар уни уриб, воқеа жойини қочган.

Кўрилган чоралар натижасида ушбу жиноятни содир этганликда гумонланувчи сифатида 30 ёшли Б.Сарвар, 34 ёшли У.Хуршид ва 38 ёшли У.Алижон қўлга олинган. Ҳолат юзасидан Жиноят кодексининг 166-моддаси («Талончилик») бўйича жиноий иш қўзғатилган.

«Агар уйингизда номаълум шахслар борлигини пайқаган бўлсангиз, улар билан баҳслашиб ўтирманг. Уларга ўзингизни сездирмасликка ҳаракат қилинг ва дарҳол 102 рақамига турар жойингиз ва муаммойингизни маълум қилинг. Бу каби ҳолларда ички ишлар органлари ходимлари муаммонинг энг афзал ечимидир», — дейилади ИИББ хабарида.