Андижон шаҳридаги Заҳириддин Муҳаммад Бобур Универсал Аcадемй нодавлат таълим муассасасининг 82 нафар ўқувчиси, 3 нафар ўқитувчиси ва тўрт нафар бошқа ходими овқатдан заҳарланиш ташхиси билан касалхонага ётқизилган. Бу ҳақда Соғлиқни сақлаш вазирлиги Жамоатчилик билан алоқалар бўлими «Дарё»га хабар берди.
30 сентябрь, душанба куни муассасанинг ўзида жойлашган «Юсуф ширин мазали нонлари» МЧЖга қарашли мактаб ошхонасида тушлик учун тайёрланган овқат маҳсулотларини 217 нафар ўқувчи ва 19 нафар ходим истеъмол қилган (1-овқат нўхотли шўрва, 2-овқат лағмон).
Тушликдан 2—3 соат ўтиб овқатланганларда кўнгил айниши, ич кетиши, субфебрил ҳарорат белгилари кузатила бошлаган, зудлик билан тез ёрдам чақирилиб, юқоридаги белгилар юзага келган беморлар шифохонага олиб келинган.
Мавзуга доир: Бекободда боғча болалари овқатдан заҳарланди
Шифохонада даволанаётган беморларнинг уч нафари ўрта оғирликда реанимация бўлимида даволанмоқда, барча беморларга етарли шарт-шароитлар, дори-дармонлар захираси яратилган.Вилоят соғлиқни сақлаш бошқармасида алоҳида тезкор штаб ташкил этилди, барча беморлар назорат остида, шифохонага ётқизилмаган ўқувчиларнинг ота-оналарига боғланиб, ҳолат юзасидан тегишли тавсиялар бериб борилмоқда.
Юз берган ҳолатни шахсан Соғлиқни сақлаш вазирлиги ва вилоят ҳокимлиги ўз назоратига олган, Соғлиқни сақлаш вазирлигининг малакали матахассисларидан иборат ишчи бригадаси сафарбар этилди.
Санитария-эпидемиологик осойишталик агентлиги ҳудудий бўлими ходимлари томонидан овқат наъмуналари олиниб, касалланиш сабаблари ўрганилмоқда.
Соғлиқни сақлаш вазирлиги
Изоҳ (0)