Саудия Арабистони валиаҳд шаҳзодаси Муҳаммад бин Салмон агар дунё давлатлари Эронни тийиб турмаса нефть нархи бундан ҳам қимматлашишини билдирди. У Saudi Aramco нефть конларига уюштирилган дронлар ҳужуми учун Эрон айбдор эканлигини таъкидлади. Бу ҳақда «Коммерсантъ» хабар берди.
«Агар дунё Эронни тийиб туриш юзасидан қатъий ҳаракатларни амалга оширмаса, у ҳолда биз бутунжаҳон эҳтиёжларига зид равишда нефть нархини оширишда давом этамиз»,— деган шаҳзода CBS телеканалидаги «60 дақиқа» дастурида.
Шунингдек Муҳаммад бин Салмон АҚШ давлат котиби Майк Помпеонинг Эронни нефть конларига уюштирилган ҳужумлар учун масъулиятни ўз зиммасига олиши лозимлиги ҳақида айтган фикрларига қўшилишини билдирди.
Шаҳзода ушбу масалани тинчлик йўли билан ҳал этиш маъқул экани ва Саудия Арабистони билан Эрон ўртасида ҳарбий ҳаракатларнинг амалга оширилиши жаҳон иқтисодиётига жиддий зиён етказишини қайд этди.
Эслатиб ўтамиз, сентябрь ўрталарида Ямандаги хусий жангарилари Саудия Арабистони иккита нефть заводига уюштирилган дронлар ҳужуми учун масъулиятни ўз зиммасига олганди. Ёниб кетган объектлардан биттаси дунёдаги энг катта Saudi Aramco’га тегишли Абкаикдаги нефтни қайта ишлаш заводи эди.
Изоҳ (0)