Мудофаа вазирлиги «Чимён» тоғ тайёргарлиги ўқув-машқлар марказида ҳарбий хизматчиларнинг жисмоний-тактик имкониятларини оширишга қаратилган «Тоғ шарпаси» ўқув курслари ўтказилмоқда, деб хабар беради Мудофаа вазирлиги ахборот ва оммавий коммуникациялар департаменти.
Ҳарбий хизматчилар кундузги ва тунги отиш, разведка ва алоқа, ҳудудга мувофиқ ниқобланиш, шартли беморни фавқулодда эвакуация қилиш, пистирмадан ҳужум, шартли душманни қуршаб олиш, дарёдан кечув, жарлик ва даралар аро канат орқали хавфсиз ўтиш йўли ҳозирлаш, шунингдек, бошқа ўнлаб мураккаб жанговар вазифаларни гуруҳ ва якка тартибда бажариб, ўзларининг жанговар шайлигини юксалтирмоқда.
«Аксарият ҳарбий хизматчилар ушбу ўқув машғулотларида илк бор қатнашаётганига қарамай, яхши натижаларга эришмоқдалар, кундан кунга тажрибалари ошяпти. Айни дамда ‘Кўксув’ дарасидан канат орқали шартли ярадорни олиб ўтиш, денгиз сатҳидан 2000 метр баландликда тунги ва кундузги отиш машғулотлари самарали равишда амалга оширилди. ‘Тоғ шарпаси’ ўқув курсларида аъло баҳо олган ҳарбий хизматчилар қишки ўқув-машғулотларига жалб этилади», – дейди капитан Фаррух Тошев.
Изоҳ (0)