“Hokimda mas’uliyat, hissiyotni jilovlay olish qobiliyati bo‘lishi kerak”,— deydi siyosiy fanlar doktori Otabek Hasanov “Daryo” muxbiri Musulmonbek Ibrohimovga bergan intervyusida.
Suhbat chog‘ida Otabek Hasanov bugun XXI asr fuqarolarini XX asr boshqaruv usullari bilan boshqarib bo‘lmasligiga alohida urg‘u berdi.
“Chunki fuqarolarimiz bugun har bir detalga e’tibor bilan qarayapti. Demak, bugungi kunda rahbarlarimiz ham biror bir muammoni hal qilishda, arzimas detallariga e’tibor berib uning yechimini topishi kerak. Buning uchun rahbarda tizimli fikrlash, strategik rejalashtirish, ertani ko‘ra olish qobiliyati bo‘lishi kerak. Muammo yuzasidan qaror qabul qilishda esa fuqarolar ishtirokini ham ta’minlash muhimdir. Bu fuqarolarning amalga oshirilayotgan islohotlarda ishtirokchi ekanliklarini his qilishlariga yordam beradi”, — dedi Hasanov
Olimning qo‘shimcha qilishicha, hokimda mas’uliyat, hissiyotni jilovlay olish qobiliyati bo‘lishi kerak.
“Men Amir Temurning bir so‘zlarini aytib o‘tmoqchi edim, ya’ni “Har qanday ikkinchi hissiyot bilan qabul qilingan qaror xatolikdir”. Hokimda aql birinchi o‘rinda turishi kerak. Chunki hokim o‘sha tumanning ijtimoiy, iqtisodiy, siyosiy, huquqiy sohasiga javobgar shaxs. Muhtaram Prezidentimizning ta’biri bilan aytganda, hokim bugun o‘zini qiynashi kerak, u yangiliklarni bilishga intilishi kerak”, — ta‘kidladi u.
Ma’lumot uchun, siyosatshunos Otabek Hasanov bilani ayni vaqtda eng dolzab muammo sanalgan kadrlar masalalariga bag‘ishlangan suhbatning to‘lig‘ini tez kunlarda “Daryo”da o‘qiysiz. Bizni kuzatib boring.
Izoh (0)