Грузия собиқ президенти Михаил Саакашвили даъво қилаётганидек, Владимир Путиннинг 2024 йилга келиб Совет Иттифоқини қайта тиклаш режалари йўқ. Бу ҳақда Россия етакчисининг матбуот котиби Дмитрий Песков маълум қилди, дея хабар беради «РИА Новости».
«Йўқ, бундай режалар умуман йўқ», — деди Песков.
Олдинроқ Грузия ОАВлари кўчириб босган баёнотида Саакашвили Россия президенти Владимир Путиннинг Арманистон, Грузия, Беларусь, Молдова ва Украинанинг бир қисмини бирлаштириб, СССРни қайта тиклаш режалари борлигини маълум қилганди.
Шунингдек, Саакашвили Россия билан Грузиянинг нейтрал мақоми юзасидан музокаралар олиб борилаётганини билдирган. Бу мамлакатнинг НАТО ва Евроиттифоққа киришига тўсқинлик қилган бўлар эди.
Изоҳ (0)