«Роскомнадзор» Урал федерал округида Telegram’ни блокировка қилиш учун трафикни фильтрлайдиган қурилмани синовдан ўтказиш ишларини бошлади. Бу ҳақда Meduza хабар берди.
«Маълумотларни автоматлаштириш ва қайта ишлаш маркази» олдига 2019 йил охирига қадар бутун Урални ушбу қурилма билан қамраб олиш кўзда тутилган. Компанияни Nokia’нинг Россиядаги раҳбари ва собиқ алоқа вазири ўринбосари Рашид Исмоилов бошқармоқда.
Тизимлар Екатеринбургдаги операторларда ўрнатиб бўлинган, Челябинск, Тюмень, Магнитогорск ва бошқа шаҳарларда мониторинг ишлари давом эттирилмоқда. Асосий эътибор интернет операторларига қаратилган, фильтрлаш ишлари суткалаб давом этаётгани йўқ. Барча операторларда қурилма нотўғри ишлаган вақтида фильтрлаш механизмини ўчириш имконияти бўлади.
«Пилот ишга туширилгач унинг фойдаланувчилар ва сервис ишига қанчалик таъсир кўрсатганига баҳо бериш мумкин бўлади, яъни «Роскомнадзор» реестридаги сайтлар блокландими ёки улар ўринга бошқа ресурс тақиққа тушдими кўриш мумкин бўлади», — дейди Уралдаги синовларда иштирок этаётган мутахассис.
Изоҳ (0)