Хитойнинг Hebei Good Hope Logistics Development компанияси Ўзбекистонда йўловчи ва юк ташувчи электромобиллар (пикаплар) ишлаб чиқаришни йўлга қўяди. Бу ҳақда, Вазирлар Маҳкамаси қарорига асосланиб, Spot хабар бермоқда.
Фото: Spot
Тегишли келишувга Президент Шавкат Мирзиёевнинг 2019 йил апрель ойида Хитойга амалга оширган ташрифи ва «Бир макон, бир йўл» иккинчи халқаро форумидаги иштироки доирасида эришилган. Келишувларнин умумий миқдори 4,3 триллион доллар, лойиҳалар сони эса 54 та.
Пикаплардан ташқари, Hebei Good Hope Logistics Development компанияси «Ангрен» эркин иқтисодий зонасида бир қатор ишлаб чиқариш лойиҳаларини ишга туширади. Жумладан,
- юқори сифатли меъморий ойна (3—12 миллиметрли);
- велосипедлар (маҳаллийлаштириш даражаси келгусида 50 фоизгача етказилади);
- электротехника маҳсулотлари (двигателлар, насослар, электр юргизгичда ишлайдиган қурилиш воситалари ва ҳоказо);
- фотоэлектрик модуллар;
- ва бошқалар.
Дастлабки лойиҳалар 2021 йилнинг январида ишга туширилиши кутилмоқда.
Аввалроқ, 2017 йил охирида Германиянинг Volkswagen компанияси Ўзбекистонда Амарок пикапларини ишлаб чиқаришни режалаштираётгани ҳақида хабар берилган эди, аммо 2019 йилда бу лойиҳа тўхтатилгани, Volkswagen билан бошқа келишувга эришилгани маълум қилинди. Қайд этиш жоиз, сўнгги вақтларда Ўзбекистонда электромобиллар мавзуси кўп кўтарилмоқда.
Мавзуга доир: Қўқонда нархи 3 минг доллар бўлган электромобиллар ишлаб чиқарилади. Шавкат Мирзиёев лойиҳа билан танишди
Қўқонда Хитой ва Жанубий Корея ширкатлари электрокар ишлаб чиқариши хабар қилинди (хитойликлар билан ҳамкорликда йиғиладиган машиналар нархи 3 минг доллар атрофида бўлиши айтилмоқда), Фарғона, Бухоро, Анлижонда электрокар ишлаб чиқарадиган заводлар қуриш режалари эълон қилинган, бу йўналишда нафақат Хитой, балки Қозоғистон ҳам ҳамкор бўлмоқчи. «Ўзавтосаноат» ҳам шу йўналишда иш олиб бормоқда.
