UzAuto Motors Россияда автомобиль ишлаб чиқариш бўйича музокаралар олиб бормоқда

Ўзбекистон Россияда ўз машиналарини йиғиш имкониятини кўриб чиқишга тайёр, деб хабар беради Spot.

UzAuto Motors компанияси бошқарув директори Александр Сахаповнинг сўзларига кўра, музокаралар «фаол босқичда» бўлиб, йил охирига қадар якуний жавоблар маълум қилинади.

Ишлаб чиқариш майдончалар орасида Карачаево-Черкесиядаги ишламаётган «Дервейс» заводи, шунингдек, GM’нинг Санкт-Петербургдаги заводини сотиб олиш варианти ҳам кўрилмоқда.

Бунга қадар «Дервейс» заводида Хитойнинг Lifan ва Chery маркалари йиғилган, ҳозирда эса ишлаб чиқариш тўхтатиб қўйилган.

2018 йилнинг апрелида GM Uzbekistan ва Россия саноат ва савдо вазирлиги билан Санкт-Петербургдаги GM заводи майдончасида махсус инвестициявий шартнома имзолаш масаласини кўриб чиқаётгани ҳақида хабар берилганди.

Компанияга Петербургдаги завод базасида Chevrolet’нинг бир нечта моделларини йиғиш бўйича битим таклиф қилинмоқда.