Давоми: Қашқадарёдаги Damas’лар тўқнашувида 5 киши ҳалок бўлган. ЙТҲ оқибатида ҳар икки машина ёниб кетган
Вилоят Йўл ҳаракати хавфсизлиги бошқармаси ахборот хизмати раҳбари Жавлон Бахтиевнинг «Дарё»га маълум қилишича, воқеа соат чамаси 8:00 да, Хонобод қишлоғидан чиқувчи иккинчи даражали йўлнинг «Қарши—Шаҳрисабз» йўлига туташ қисмида юз берган.
— Қарши тумани Хонобод қишлоғида яшовчи 1997 йилда туғилган Қ.А. бошқарувидаги Damas «Хонобод—Қарши» йўналиши бўйича ҳаракатланиб бораётганда, қарама-қарши томондан келаётган фуқаро Э.Ҳ. бошқарувидаги Damas билан тўқнашган ва ёнғин келиб чиққан, — дейди Жавлон Бахтиев.
Маълум қилинишича, ушбу ҳудуддаги яшаш манзилидан ишга отланган вилоят ЙҲХБ ходими Низомиддин Нормўминов воқеа устидан чиққан ва ёнаётган Damas’лардан биридаги тўрт нафар йўловчини қутқарган.
Вилоят ИИБ матбуот хизматининг қўшимча қилишича, ЙТҲ оқибатида жабрланганлар ва вафот этганлар бор. Ҳолат юзасидан тергов-суриштирув жараёнлари бошланган.
Изоҳ (0)