Футбол бўйича Англия Лига Кубогининг 3-тури доирасида 24 сентябрь, сешанба куни бир қатор учрашувлар ниҳоясига етди.
Хосеп Гвардиола қўл остидаги «Манчестер Сити» меҳмонда «Престон»ни синовдан ўтказди.
Беллашувнинг 19-дақиқасида «шаҳарликлар» ярим ҳимоячиси Раҳим Стерлинг ҳисобни очган бўлса, 35-дақиқага келиб бразилиялик ҳужумчи Габриэль Жезус ҳсиобни 2:0 кўринишига олиб келди. Орадан 7 дақиқа ўтиб мезбон жамоа вакили Райан Ледсон ўз дарвозасини ишғол қилиб қўйди.
Шу тариқа «манкунианлар» «Престон» дарвозасига жавобсиз 3 та гол уриб ғалаба қозонди ва мусобақанинг кейинги босқич йўлланмасини қўлга киритди.
Шу куни Лондоннинг «Тоттенҳэм» клуби «Колчестер»га қарши майдонга тушди.
Баҳс давомида дарвозалар дахлсизлиги сақланиб қолинди. Пенальтилар сериясида эса «шпорлар» 3:4 ҳисобида имкониятни бой бериб қўйди ва мусобақадаги юришини тўхтатди (0:0, пенальтилар серияси — 3:4).
Унаи Эмери бошчилигидаги Лондоннинг бошқа бир жамоаси «Арсенал» ўз майдонида «Ноттинҳем Форест»ни қабул қилди.
Учрашув давомида «тўпчилар» аъзолари Габриэль Мартинелли (31, 90), Роб Холдинг (71), Жо Уиллок (77) ҳамда Рис Нелсон (84) бирин-кетин рақиб дарвозасига гол урди.
Ўйин якунига кўра, лондонликлар «Ноттинҳем Форест»ни йирик 5:0 ҳисобида мағлуб этди ва мусобақанинг кейинги босқичига йўл олди.
Англия Лига Кубоги
3-тур баҳслари
24 сентябрь, сешанба
«Порцмут»—«Саутҳэмптон» 0:4
Голлар: 0:1 — 21 Ингз, 0:2 — 44 Ингз, 0:3 — 77 Соареш, 0:4 — 86 Редмонд«Лутон»—«Лестер» 0:4
Голлар: 0:1 — 34 Грэй, 0:2 — 44 Жастин, 0:3 — 79 Тилеманс, 0:4 — 86 Ихеаначо«Престон»—«Манчестер Сити» 0:3
Голлар: 0:1 — 19 Стерлинг, 0:2 — 35 Габриэль Жезус, 0:3 — 42, автогол Ледсон«Колчестер»—«Тоттенҳэм» 0:0 (4:3—пенальтилар серияси)
«Уотфорд»—«Суонси» 2:1
Голлар: 1:0 — 28 Уэлбек, 1:1 — 34 Серриж, 2:1 — 79 Перейра«Шеффилд Юнайтед»—«Эвертон» 0:2
Голлар: 0:1 — 6 Кэлверт-Льюин, 0:2 — 10 Кэлверт-Льюин«Кроули»—«Сток Сити» 6:4
Голлар: 0:1 — 23 Воукс, 1:1 — 38 Фергюсон«Арсенал»—«Ноттинҳем Форрест» 5:0
Голлар: 1:0 — 31 Мартинелли, 2:0 — 71 Холдинг, 3:0 — 77 Уиллок, 4:0 — 84 Нелсон, 5:0 — 90 МартинеллиЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)