Futbol bo‘yicha Angliya Liga Kubogining 3-turi doirasida 24-sentabr, seshanba kuni bir qator uchrashuvlar nihoyasiga yetdi.
Xosep Gvardiola qo‘l ostidagi “Manchester Siti” mehmonda “Preston”ni sinovdan o‘tkazdi.
Bellashuvning 19-daqiqasida “shaharliklar” yarim himoyachisi Rahim Sterling hisobni ochgan bo‘lsa, 35-daqiqaga kelib braziliyalik hujumchi Gabriel Jezus hsiobni 2:0 ko‘rinishiga olib keldi. Oradan 7 daqiqa o‘tib mezbon jamoa vakili Rayan Ledson o‘z darvozasini ishg‘ol qilib qo‘ydi.
Shu tariqa “mankunianlar” “Preston” darvozasiga javobsiz 3 ta gol urib g‘alaba qozondi va musobaqaning keyingi bosqich yo‘llanmasini qo‘lga kiritdi.
Shu kuni Londonning “Tottenhem” klubi “Kolchester”ga qarshi maydonga tushdi.
Bahs davomida darvozalar daxlsizligi saqlanib qolindi. Penaltilar seriyasida esa “shporlar” 3:4 hisobida imkoniyatni boy berib qo‘ydi va musobaqadagi yurishini to‘xtatdi (0:0, penaltilar seriyasi — 3:4).
Unai Emeri boshchiligidagi Londonning boshqa bir jamoasi “Arsenal” o‘z maydonida “Nottinhem Forest”ni qabul qildi.
Uchrashuv davomida “to‘pchilar” a’zolari Gabriel Martinelli (31, 90), Rob Xolding (71), Jo Uillok (77) hamda Ris Nelson (84) birin-ketin raqib darvozasiga gol urdi.
O‘yin yakuniga ko‘ra, londonliklar “Nottinhem Forest”ni yirik 5:0 hisobida mag‘lub etdi va musobaqaning keyingi bosqichiga yo‘l oldi.
Angliya Liga Kubogi
3-tur bahslari
24-sentabr, seshanba
“Portsmut”—“Sauthempton” 0:4
Gollar: 0:1 — 21 Ingz, 0:2 — 44 Ingz, 0:3 — 77 Soaresh, 0:4 — 86 Redmond“Luton”—“Lester” 0:4
Gollar: 0:1 — 34 Grey, 0:2 — 44 Jastin, 0:3 — 79 Tilemans, 0:4 — 86 Ixeanacho“Preston”—“Manchester Siti” 0:3
Gollar: 0:1 — 19 Sterling, 0:2 — 35 Gabriel Jezus, 0:3 — 42, avtogol Ledson“Kolchester”—“Tottenhem” 0:0 (4:3—penaltilar seriyasi)
“Uotford”—“Suonsi” 2:1
Gollar: 1:0 — 28 Uelbek, 1:1 — 34 Serrij, 2:1 — 79 Pereyra“Sheffild Yunayted”—“Everton” 0:2
Gollar: 0:1 — 6 Kelvert-Lyuin, 0:2 — 10 Kelvert-Lyuin“Krouli”—“Stok Siti” 6:4
Gollar: 0:1 — 23 Vouks, 1:1 — 38 Fergyuson“Arsenal”—“Nottinhem Forrest” 5:0
Gollar: 1:0 — 31 Martinelli, 2:0 — 71 Xolding, 3:0 — 77 Uillok, 4:0 — 84 Nelson, 5:0 — 90 MartinelliYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)