Suriya hukumati va mamlakatning muxolifat doiralari Suriya Konstitutsion qo‘mitasini yaratish bo‘yicha o‘zaro kelishuvga erishdi. BMT Bosh kotibi Antoniu Guterrishning so‘zlariga ko‘ra, qo‘mita tez kunlarda o‘z ishini boshlaydi, deb xabar berdi “Kommersant”.
“Men Suriya hukumati bilan barqaror, ishonchli Konstitutsion qo‘mitani yaratish bo‘yicha kelishuvga erishilganini e’lon qilishdan mamnunman. U yaqin hafta ichida Jeneveda to‘planadi”, — deydi Guterrish.
BMT Bosh kotibi yangi tuzilmaning tashkil etilishi Suriyadagi vaziyatni barqarorlashtirish yo‘lidagi siyosiy qadam bo‘lishi lozimligini ta’kidladi. Uning so‘zlariga ko‘ra, ushbu jarayon nizolashayotgan tomonlar o‘rtasida ishonchni shakllantirish bo‘yicha aniq harakatlarni amalga oshirishi kerak.
“Men Rossiya, Turkiya va Eron hukumatiga mazkur bitimning imzolanishida ko‘rsatgan diplomatik hamkorligi uchun minnatdorchilik bildiraman. Shuningdek, Xavfsizlik Kengashiga a’zo davlatlar va ‘kichik guruh’ (Buyuk Britaniya, Germaniya, Misr, Iordaniya, Saudiya Arabistoni, AQSh va Fransiya) davlatlaridan minnatdorman”, — deydi Guterrish.
Izoh (0)