O‘zbekiston Prezidenti Shavkat Mirziyoyev Mali prezidenti Ibrohim Bubakar Keytani Mustaqillik kuni bilan tabrikladi, deya xabar bermoqda Prezident matbuot xizmati.
Mali qanday qilib mustaqillikka erishgan?
Keyinchalik mustaqil Malining birinchi prezidentiga aylangan Modibo Keyta 1946-yili Feliks Ufue-Buanyi bilan birgalikda fransuz mustamlakachiligiga qarshi kurashga boshchilik qilgan Sudan ittifoqi partiyasiga asos solgan (o‘sha vaqtda Mali Fransiya Sudani deb atalgan).Mustamlakachilikka qarshi kayfiyatda bo‘lishiga qaramay, Modibo Keyta fransuz mustamlakachi rasmiylariga nisbatan yetarli darajada konstruktiv munosabatda bo‘lgan. 1956-yili u Bamako (poytaxt) meri va Fransiya Milliy majlisi deputati etib saylangan (amalda mustamlakachi ma’murlar tomonidan tayinlangan).
Fransiya Sudani 1958 yil 28-sentabrda Fransuz hamdo‘stligi tarkibidagi muxtor Sudan Respublikasiga aylangan. 1959-yili esa Sudan Respublikasi (Mali) va Senegaldan tashkil topgan Mali Federatsiyasi tashkil etilgan. 1960-yil iyulida esa qayta tashkil etilgan Fransuz Hamdo‘stligi doirasida Mali Federatsiyasining mustaqilligi e’lon qilingan.
1960-yil avgustida Senegal federatsiya tarkibidan chiqqanini e’lon qilgan. 1960-yil 22-sentabrida Sudan Respublikasi Fransuz Hamdo‘stligi tarkibidan chiqqanini ma’lum qilgan va o‘zini mustaqil Mali Respublikasi deb e’lon qilgan.
Izoh (0)