20 сентябрь куни Ўзбекистон ёшлари умумжаҳон ассоциацияси ҳамда Ёшлар иттифоқи Навоий вилоят Кенгаши ҳамкорлигида Навоий шаҳар «Ёшлар маркази»да «Эзгуликка ҳиссангни қўш!» шиори остида «Тинчлик учун» халқаро хайрия акцияси ташкил этилди.
Ушбу акциянинг ташкил этилишидан асосий мақсад — Афғонистонда яшовчи ота-она қарамоғисиз қолган, оғир шароитларда яшаётган этник ўзбеклар ёшларининг муаммоларига кенг жамоатчилик эътиборини қаратиш ҳамда уларни қўллаб-қувватлашдан иборат.
Акцияда Навоий шаҳридаги Мудофаа вазирлигига қарашли сафарбарлик чақирув резерви баталёнининг 400 нафардан ортиқ ҳарбий хизматчилари, умумтаълим мактабларининг бошланғич ташкилот етакчилари ҳамда ўқувчилари иштирок этди.
Шунингдек, акция доирасида китоблар кўргазмаси, концерт дастури ташкил этилди. Хайрия акцияси натижасида кўнгиллилар томонидан 60 дона лотин графикасидаги ўзбек тилидаги бадиий адабиёт намуналари, ўқув дарсликлари ва 40 дона ўқув қуроллари ҳадя қилинди.
Акция доирасида келиб тушган барча жиҳозлар Ўзбекистоннинг Афғонистондаги бош консулхонаси ёрдамида «Ўзбекистон темир йўллари» орқали Афғонистонга жўнатилади.
Изоҳ (0)