Футбол бўйича Англия Премьер Лигасининг 6-турида «Манчестер Юнайтед» сафарда «Вест Ҳэм» меҳмони бўлиб, 0:2 ҳисобида ютқазди.
Иккинчи бўлимда манкунианлар ҳужумчиси Маркус Рэшфорд ўзини захирага олишларини сўради. Натижада Сульшер 61-дақиқада унинг ўрнига Жесси Лингардни майдонга туширди.
Маълум бўлишича, Рэшфорд сонини жароҳатлаб олган. Футболчи 23 сентябрь куни чуқурлаштирилган тиббий кўрикдан ўтади.
У жорий мавсум клуб сафида мусобақанинг барча 6 та ўйинида майдонга тушиб, 3 та гол урди ва 1 та голли узатмани амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)