Тошкент шаҳар ҳокимининг иқтисодиёт ва тадбиркорлик масалалари бўйича ўринбосари Ҳотамбек Шокиров маҳаллий компанияларни очиш ва такси ҳайдовчилари фаолиятини қонунийлаштириш йўлида Ўзбекистон ҳудудида Россиянинг «Яндекс.Такси» агрегаторини ёпиш таклифи билан чиқди. Ҳоким ўринбосари бу ҳақда Тошкент шаҳар депутатлари кенгашининг 58-сессиясидаги ҳисоботида ушбу масалани ўртага ташлади, деб ёзмоқда Repost.
«Яндекс.Такси», Millenium ва бошқа иловаларни ёпиш керак.
Бугунги кунда бутун республика бўйлаб 50 мингга яқин, Тошкент шаҳрининг ўзида 10 мингдан ортиқ фуқаролар ноқонуний равишда йўловчи ташиш билан шуғулланиб келади. «Яндекс.Такси», Millenium ва бошқа иловалар орқали такси хизматлари кўрсатилаётгани ҳаммага маълум. Бугун айнан шу илова орқали хизмат кўрсатиш ҳам ноқонуний фаолиятга киради. Амалдаги қонунчиликка асосланиб ушбу иловаларнинг республика ҳудудидаги фаолиятини тугатиш ва уларни ёпиш зарур. Бу ҳали ҳам очиқ қолаётган муаммолардан бири.«Яндекс.Такси» серверлари хорижда жойлашган.
Бугун жамоатчилик олдида такси мобил агрегаторлари фаолиятини тўхтатмаслик, балки уларни қонунийлаштириш керак деган фикр пайдо бўлган. Уларни қонунийлаштириш учун бир неча талабларни бажариш лозим:— Биринчидан, «Яндекс.Такси» серверлари хорижда жойлашган. Фуқароларимизнинг шахсий маълумотлари, таксида кимнинг қаерга бораётганини хориждаги кимсалар кузатиб туради. Шу сабабли серверларни Тошкентга кўчириш керак.— Иккинчидан, иловадан фойдаланаётган ҳайдовчиларга машина ҳамда йўловчи ташиш учун лицензияларни ижарага бериш лозим.Янги миллий такси-агрегатларининг қай тартибда фаолият юритиши ва ўзига хосликлари.
Биз «Яндекс.Такси»га ўхшаш ўзбек миллий агрегатини яратиш ғоясини илгари сурдик. Агар ушбу ташаббус қонунчиликда ўз аксини топса, уни қўллаб-қувватловчилар ва бундан ютадиганлар сони кўпаяди. Ҳайдовчи ижрочи эмас иштирокчига айланади. Аъзоликка қабул қилингандан кейин автомобиль техник кўрикдан ўтказилади. Машинанинг ишлаб чиқарилган йили, модели ва ҳолати ҳисобга олинади. Агар ҳайдовчи синовларда ўта олса, у илованинг фойдаланувчиси бўлади. Машинани сариқ рангга бўямайди, шунчаки этикеткани ёпиштириб олади. Шундан сўнг унинг мобил иловаси дастурга уланади.Йўловчилар соғлиғи ва хавфсизлигини таъминлаш ҳақида.
Такси ҳайдовчилари соғлиғини назорат қилиш ва хавфсизлик муаммосини ҳал этиш бу борада техник ечим талаб қилади. АЁҚШларда IP-камералар ўрнатиш лозим. Ҳайдовчи ҳар куни тонгда ишга чиқишдан олдин камера олдига келади ва кўз қорачиғини сканердан ўтказади. Сўнгра «Бошлаш» тугмасини босади, тизим ҳайдовчининг шахсини текширувдан ўтказади. Тизим ёрдамида унинг қон босими ҳақида маълумотларни олиш ва ҳайдовчининг ҳолати ҳақида 80 фоизгача аниқ маълумот бериши мумкин. Агар ҳаммаси жойида бўлса, у ишга чиқиши мумкин.Ташаббуслар амалга оширилса, давлат бюджетига 430 миллиард сўм миқдорида солиқлар келиб тушади.Ҳотамбек Шокиров, Тошкент шаҳар ҳокимининг иқтисодиёт ва тадбиркорликмасалалари бўйича биринчи ўринбосари
Ҳотамбек Шокиров 1970 йилда туғилган. У кўп йиллар давомида Давлат Солиқ қўмитасида турли лавозимларда ишлаган. 2018 йил декабргача Давлат Солиқ қўмитасида раис ўринбосари лавозимида фаолият юритган. 2019 йил май ойида Тошкент шаҳар ҳокимининг иқтисодиёт ва тадбиркорлик масалалари бўйича биринчи ўринбосари лавозимига тайинланган.
Изоҳ (0)