Бухоро вилояти Бухоро туманидаги маҳаллалардан бирининг раиси А.Э. Бош прокуратура ҳузуридаги Иқтисодий жиноятларга қарши курашиш Департаменти вилоят бошқармаси ҳамда бошқа ҳуқуқни муҳафаза қилувчи идоралар ходимлари билан ҳамкорликда ўтказилган тадбир натижасида «Ж.Ш.» фермер хўжалиги иш юритувчиси Ж.Б.нинг ер майдонларининг эксперт режасини туман ҳокимлигида ишловчи танишлари орқали бажартириб беришини айтиб ундан 800 АҚШ доллари миқдорида пора талаб қилиб, маҳалла мутахассиси Л.А. орқали 600 АҚШ доллари ва 1,9 миллион сўмни олган вақтида ашёвий далиллар билан қўлга олинди, деб хабар бермоқда Ўзбекистон Республикаси Бош прокуратураси.
Мазкур ҳолат юзасидан «С» МФЙ раиси А.Э. ҳамда маҳалла мутахассиси Л.А.га нисбатан Ўзбекистон Республикаси Жиноят Кодексининг 168-моддаси «Фирибгарлик» ҳолати бўйича жиноят иши қўзғатилди ва тергов ҳаракатлари олиб борилмоқда.
Изоҳ (0)