АҚШ президенти Дональд Трамп Нью-Йоркда бўлиб ўтадиган БМТ Бош ассамблеясининг навбатдаги сессиясида Эрон президенти Ҳасан Руҳоний билан учрашишни истамаслигини маълум қилди, шу билан бирга бундай вазият юзага келиб қолиши мумкинлигини ҳам инкор этмади, деб хабар беради «Коммерсантъ».
«Мен у билан учрашиш ниятида эмасман. Ҳозирда уларни бунга тайёр деб билмайман, бироқ улар тайёр бўлади. Мен ҳеч қачон ҳеч нимани рад этмайман, бироқ у билан учрашмасликни маъқул кўраман», — дейди Америка президенти.
АҚШ ва Эрон ўртасидаги муносабатлар ўтган ҳафта Саудия Арабистонидаги нефтни қайта ишлаш компаниясига уюштирилган ҳужумдан сўнг янада кескинлашди. Ҳужум бўйича масъулиятни яманлик исёнчи хусийлар ўз бўйнига олган бўлсада, АҚШ бунда Эронни айбламоқда.
Изоҳ (0)