Ўзбекистонда 2019 йилнинг январь—август ойларида 679,5 минг тонна автобензин ишлаб чиқарилди. Давлат статистика қўмитаси маълумотларига кўра, бу ўтган йилнинг шу давридаги кўрсаткич (764,1 минг тонна)дан 11,1 фоизга кам.
Дизел ёқилғисини ишлаб чиқариш ҳажми ҳам 2018 йилнинг дастлабки саккиз ойидаги 730,1 минг тоннадан 2019 йилда 701,2 минг тоннагача — 4 фоизга қисқарган.
Эътиборли томони, Ўзбекистонда нефть қазиб олиш ҳажми ҳам қисқарган — 2018 йилнинг январь—августида салкам 500 минг тонна «қора олтин» қазиб олинган бўлса, бу йил ушбу кўрсаткич 6,5 фоизга камайиб, 467,2 минг тоннани ташкил этган.
Бундан ташқари, 2019 йилнинг январь—август ойларида 40,33 миллиард кубометр табиий газ (2018 йилга нисбатан 0,2 фоизга кўп), 1,38 миллион тоннадан ортиқ газ конденсати қазиб олинган (ўтган йилга нисбатан 3,1 фоизга кам).
Изоҳ (0)