Наманган шаҳридаги таниқли тадбиркорлардан бири ўзи ўқиган мактабга 25 та замонавий телевизор совға қилди. Бу ҳақда «Дарё» мухбири Азизбек Абдувалиев хабар берди.
Вилоят халқ таълими бошқармаси ахборот хизматининг қайд этишича, шаҳарнинг «Юқори Ғирвон» маҳалласида жойлашган 80-умумтаълим мактабидаги жами 24 синф хонаси ва маънавият хонаси ушбу телевизорлар билан жиҳозланди. Ҳозирда бу ерда 1100 нафардан ортиқ ўқувчи таҳсил олиб келмоқда.
— Тадбиркоримизнинг ўзи ҳам бундан 20 йил аввал шу ерни тамомлаган. У янги ўқув йили бошланишидан олдин ҳам мактабдаги эски ёритгичларни янгилаш учун 10 миллион сўм ажратган эди, — дейди мактаб директори Оқилжон Ҳасанов.
Таъкидлаш жоизки, ҳозирда Японияда хизмат сафарида бўлиб турган тадбиркор номи ошкор этилишини истамади.
Изоҳ (0)