Самарқанд шаҳар хотин-қизлар қўмитаси раиси, ҳоким ўринбосари Зебинисо Раҳмонова «Темир йўл вокзали бекати» орқали трамвайда юра бошлади, деб хабар беради шаҳар ҳокимлиги матбуот хизмати.
«Одамларга аралашиб кетаркан, йўловчилардан бирининг тушкун кайфияти унинг эътиборини тортди. Аёлни суҳбатга таклиф қилди.
Суҳбат асносида Самарқанд шаҳрида яшовчи ўша аёл ҳоким ўринбосари билан анча чиқишиб қолди. (Аммо қаршисидаги бегона аёлни танимасди). Зебинисо Раҳмонова йўловчининг нега хомушлигини сўраганда, у фарзандининг бетоблигини айтиб қолди. Тиббий муолажаларга қийналаётгани сабаб, фаромуш бўлиб турганини билдирди», — дейилади хабарда.
Ҳақиқатан унга ёрдам керак эканини тушунган ҳоким ўринбосари ўзини таништирди. Янги танишининг телефон рақамларини ёзиб олди, унга ёрдам беришини билдирди.
«Зебинисо Раҳмонова охирги бекатга боргунча яна икки таниш топди. Раҳбарларнинг жамоат транспортларида, халқнинг ичида ва пиёда юриши — мана нима учун керак!», — дейилади хабарда.
Изоҳ (0)