13—14 сентябрь кунлари Наманганда бўлиб ўтган халқаро тиббиёт ва фармацевтика форумида умумий қиймати 92,7 миллион долларлик 22 та келишув имзоланди. Бу ҳақда «Дарё» мухбири Азизбек Абдувалиев маълум қилди.
Битимлар Австрия, Германия, Исроил, Миср, Покистон, Россия, Словакия, Украина, Ҳиндистон ва Хитой компаниялари билан тузилган.
Жумладан, «Косонсой фарм» ЭИЗда фаолият юритувчи «Спринг фармацевтик» МЧЖ ҳамда Мисрнинг Pharco pharmaceuticals компанияси ҳамкорлигида фармацевтика маҳсулотларини ишлаб чиқариш бўйича 30 миллион, вилоят соғлиқни сақлаш бошқармаси ҳамда Австриянинг AME International компанияси ўртасида кардиология марказини барпо этиш учун 10 миллион, «Мерримед Фарм» МЧЖ билан Германиянинг Textima Export Import компанияси ўртасида кўп тармоқли тиббий марказ ташкил этиш юзасидан 30 миллион долларлик келишувларга эришилган.
Изоҳ (0)