Ўзбекистон Президенти Шавкат Мирзиёев Марказий Америкадаги тўрт мамлакат — Гватемала, Гондурас, Коста-Рика ва Никарагуага ушбу мамлакатларнинг миллий байрами — мустақиллик куни муносабати билан табрик йўллади.
Қутловлар Гватемала президенти Жимми Эрнесто Моралес, Гондурас президенти Хуан Орландо Эрнандес, Коста-Рика президенти Карлос Альварадо Кесада ва Никарагуа президенти Хосе Даниэль Ортега номига йўлланган.
Маълумот учун, 1821 йил 15 сентябрь куни Гватемала шаҳрида бўлган йиғилишда шу вақтгача Испания мустамлакаси ҳисобланган Гватемала генерал-капитанлиги ўзининг мустақиллигини эълон қилган. Ўша вақтда генерал-капитанлик таркибида Гватемаладан ташқари Марказий Американинг ҳозирги кундаги бошқа мустақил мамлакатлари — Гондурас, Никарагуа ва Коста-Рика ҳам бўлган.
Кўп ўтмай Гватемала, Гондурас, Никарагуа ва Коста-Рика уюшиб, Мексика империяси таркибига кирган. 1823 йилда Мексика империяси қулагач, ушбу давлатлар Марказий Америка Федератив Республикасини ташкил этган. 1840 йилга келиб федерация парчаланиб кетган — 1838 йил 30 апрелда Никарагуа, 6 октябрда Гондурас, 14 ноябрда Коста-Рика ва 1839 йил 17 апрелда Гватемела суверенитетини эълон қилган.
Изоҳ (0)