Samarqand shahar xotin-qizlar qo‘mitasi raisi, hokim o‘rinbosari Zebiniso Rahmonova “Temir yo‘l vokzali bekati” orqali tramvayda yura boshladi, deb xabar beradi shahar hokimligi matbuot xizmati.
“Odamlarga aralashib ketarkan, yo‘lovchilardan birining tushkun kayfiyati uning e’tiborini tortdi. Ayolni suhbatga taklif qildi.
Suhbat asnosida Samarqand shahrida yashovchi o‘sha ayol hokim o‘rinbosari bilan ancha chiqishib qoldi. (Ammo qarshisidagi begona ayolni tanimasdi). Zebiniso Rahmonova yo‘lovchining nega xomushligini so‘raganda, u farzandining betobligini aytib qoldi. Tibbiy muolajalarga qiynalayotgani sabab, faromush bo‘lib turganini bildirdi”, — deyiladi xabarda.
Haqiqatan unga yordam kerak ekanini tushungan hokim o‘rinbosari o‘zini tanishtirdi. Yangi tanishining telefon raqamlarini yozib oldi, unga yordam berishini bildirdi.
“Zebiniso Rahmonova oxirgi bekatga borguncha yana ikki tanish topdi. Rahbarlarning jamoat transportlarida, xalqning ichida va piyoda yurishi — mana nima uchun kerak!”, — deyiladi xabarda.
Izoh (0)